ГАЛ УНТРААХ ТАКТИКИЙН СУРГАЛТ ЗОХИОН БАЙГУУЛЛАА Өнөөдөр /2022.09.13/ Сүхбаатар дүүргийн 1 дүгээр хорооны нутаг дэвсгэрт байрлах “Цант протери “ХХК-ийн ICC Tower барилга байгууламжид Гал түймэр унтраах тактикийн дадлага сургуулийг зохион байгууллаа. Дадлага сургуулилтаар өндөр барилгын 7 дугаар давхарт гал түймэр гарч иргэд утаажилтын бүсэд боогдсон талаар цагийн байдалд ажиллаж тус хэлтсийн Гал түймэр унтраах аврах 10 дугаар ангийн нийт 21 алба хаагч, 4 техник хэрэгсэл, Нийслэлийн Аврах ангиас нийт 6 алба хаагч, 2 техник хэрэгсэл, тухайн байгууллагын нийт 260 ажилтан тус тус хамрагдаж Гал унтраах тактикийн дадлага сургуулийг амжилттай зохион байгуулж ажиллалаа. Дадлага сургуулилтийн үеэр тухайн барилгад үйл ажиллагаа эрхэлдэг 21 аж ахуйн нэгжийн ажилтан алба хаагчдын дунд “Гал унтраах “тэмцээнийг зохион явууллаа. Үүнд: Нэрвэгдсэн иргэнийг зөөвөрлөх, гал унтраах автомашинаас 40 метр тархаж тусгайлан бэлтгэсэн шаарыг ус шүршэж хагалах зэргээр зохион байгуулсан.Тэмцээнд авхаалж самбаа, мэдлэг ур чадвараараа манлайлж оролцсон 21 баг тамирчдаас тусгай байрт шалгарсан баг тамирчдыг шагнаж урамшууллаа.